Nau mai ki Te Wānanga o Raukawa  

Ko ā mātou tohu mātauranga e aro ana ki te whakawhanake, ki te whakatipu hoki i te tuakiri Māori o ō tātou iwi, i te wā e whakawhiwhia ana rātou ki ngā mōhiotanga me ngā pūkenga e hāngai ana ki tētahi ahumahi, hei painga mōu i te ao mahi o Aotearoa, ā, puta noa i te ao. Titiro mā te tirohanga Māori i a koe e ako ana ki te whakauru i te mātauranga Māori ki ngā wāhanga katoa o tō ao.

Kua rukuhia katoatia ā mātou tohu mātauranga ki te mātauranga Māori, ā, ko te nuinga o ngā tohu taumata paetahi me runga ake ka whai wāhanga ako i te reo Māori, i ngā kaupapa iwi me ngā kaupapa hapū. Mā ēnei ka whakanuia ake te mātauranga e riro ana i a koe i roto i āu akoranga motuhake, ā, ka āhei hoki koe ki te waihanga tuhinga mō tō whānau, me te whakapiki i tō kaha me tō māia ki te kōrero i te reo Māori.

Ka tukuna ngā Poupou katoa (ngā tiwhikete) mō te kore utu ki ngā kirirarau o Aotearoa me ngā kainoho pūmau, ā, he huarahi pai hei tīmatanga ki Te Wānanga o Raukawa me ā mātou tūāpapa ako.